Uppbygging

Árið 2020 var enn eitt uppbyggingarárið í körfunni hjá Aftureldingu.  Iðkendum heldur áfram að fjölga hratt og eftir nokkurn undirbúning var farið af stað með æfingar fyrir stúlknahópa. Fimm stelpur hófu leik í haust en voru orðnar um 30 strax um áramót. Undir lok keppnistímabilsins 2020-2021 var fjöldi iðkenda í deildinni rúmlega 120.

Þrjú kvennalið og sjö karlalið hafa verið að keppa á Íslandsmótum í vetur og gengið ljómandi vel.  Hjá deildinni starfa alls níu þjálfarar og aðstoðarþjálfarar.  Markmiðið er að það séu alltaf að lágmarki tveir þjálfarar á hverri æfingu.

Aðstaða

Aðstaða til körfuboltaiðkunar er ágæt í Íþróttamiðstöðinni Lágafelli en nauðsynlegt verður að fá fleiri tíma til þessa að get mætt þessum mikla iðkendafjölda og til að geta haldið áfram að efla  körfuboltaiðkun í Mosfellsbæ.

Reynt hefur verið að koma því á dagskrá Mosfellsbæjar að bæta úti aðstöðu til körfuboltaiðkunar á skólalóðum bæjarins það hefur því miður ekki gengið nógu vel.  Á síðasta aðalfundi var samþykkt eftirfarandi ályktun;

Aðalfundur körfuknattleiksdeildar Aftureldingar skorar á Mosfellsbæ að bæta aðstöðu til körfuoltaiðkunar á skólalóðum bæjarins.

Útivellir hafa verið settir upp víða um land og hafa mikið afþreyingargildi fyrir börn, ungmenni  og fullorðna.  Mosfellsbær er stækkandi bæjarfélag sem leggur mikla áherslu á heilsu, barna- og íþróttamenningu.

Öruggir vellir með fyrsta flokkas aðstöðu til að leika sér úti allt árið um kring myndu hafa jákvæð áhrif á samfélagið í heild.

Áfram körfubolti!

Stjórn KKD Aftureldingar